Yamalı kəndirbaza oxşadan mütəxəssis üzr istəyib

Argentinalı mütəxəssis German Burqos “Barselona”nın vingeri Lamin Yamal haqqında etdiyi zarafata görə üzr istəyib.

Komanda.az “Marca”-ya istinadən xəbər verir ki, argentinalı mütəxəssis bunun heç kimi incitməyə çalışmayan bir şərh olduğunu bildirib:

“Bu, heç kimi incitməyə çalışmayan bir şərh idi. Kimi incidibsə, ictimaiyyətdən üzr istəyirəm. İndiki vaxtda hər şeyə uyğunlaşmaq lazımdır”.

Burqos daha əvvəl futbolçunu küçə kəndirbazı ilə müqayisə edib. Çempionlar Liqasının 1/4 finalının oyunundan sonra (2:3) PSJ və “Barselona”nın futbolçuları hazırda Burqosun çalışdığı “Movistar” telekanalına müsahibə verməkdən imtina ediblər.

Yamal bu mövsüm “Barselona”da 41 oyun keçirib, 6 qol vurub və 7 məhsuldar ötürmə verib.