“Lill”dən “Lion”a ikinci transfer

Fransanın “Lion” klubu heyətini yeni futbolçuyla gücləndirib.

Komanda.az xəbər verir ki, Liqa 1 təmsilçisi “Lill”dən Yussuf Koneni transfer edib. Bu barədə klubun rəsmi saytı məlumat yayıb. 23 yaşlı müdafiəçi ilə 5 illik müqavilə imzalanıb. “Lion” Kone üçün “Lill”ə 9 milyon avro ödəyəcək.

Mali millisinin də şərəfini qoruyan Kone, son mövsümdə “Lill”in heyətində 25 oyunda iştirak edib.

“Lion” bir müddət əvvəl “Lill”dən Tyaqo Mendesi transfer etmişdi.