Qvardiola: “Flik müstəsna mütəxəssisdir”

“Mançester Siti”nin baş məşqçisi Pep Qvardiola “Barselona”nın yeni çalışdırıcısı Hans-Diter Flikə münasibətindən danışıb.

Komanda.az AS-a istinadən xəbər verir ki, ispaniyalı çalışdırıcı Flikin müstəsna mütəxəssis olduğunu bildirib:

“O, müstəsna mütəxəssisdir, ən yaxşısını gözləyirəm. Onun rəhbərliyi altında “Bayern” hakim qüvvə idi. Ümid edirəm ki, “Barselona”da onun üçün hər şey düzələcək. Uğur qazanmaq üçün ona səbr lazımdır. “Barsa hələ də böyümə potensialına malikdir”.

59 yaşlı alman mütəxəssis bu yay “Barselona”nın baş məşqçisi vəzifəsinə keçib. Onun Kataloniya klubu ilə müqaviləsi 2026-cı ilin ortalarına qədərdir.