“Final oyununa getmək üçün üstünlüyümüz var, amma…” – Ten Haq

Çempionlar Liqasının yarımfinal mərhələsinin ilk oyunları çərçivəsində səfərdə “Tottenhem”ə 1:0 hesabı ilə qalib gələn “Ayaks”ın baş məşqçisi Erik ten Haq matçdan sonra açıqlama verib.

Komanda.az Hollandiya mətbuatına istinadən xəbər verir ki, 49 yaşlı mütəxəssis, komandasının oyununu tənqid edib:

“İlk hissədə yaxşı futbol oynadıq və qol vurduq. Matça biz diqtə edirdik, amma yavaş-yavaş oyundan qopduq. “Tottenhem” isə yaxşı oyun göstərməyə başladı. Buna qarşılıq olaraq, biz də aslanlar kimi mübarizə apardıq.

“Tottenhem” oyun sistemini dəyişdirdi, onlardan bunu gözləyirdik. Topa daha çox sahib olmaq istədik və bunu bacardıq. Bəzi səhvlərimiz oldu, oyunu sakitləşdirməyimiz lazım idi.

Final oyununa getmək üçün üstünlüyümüz var, amma Amsterdamda bu gün olduğundan daha yaxşı oynamalıyıq”.