Final oyununun ən yaxşı futbolçusu bəlli oldu

Futbol üzrə Argentina millisinin kapitanı Lionel Messi Qətərdəki dünya çempionatında Fransaya qarşı keçirdikləri final matçının ən yaxı futbolçusu seçilib.

Komanda.az xəbər verir ki, 35 yaşlı hücumçu həlledici qarşılaşmada dubla imza atıb, həmçinin penaltilər seriyasında 11 metrlik zərbəni dəqiq yerinə yetirib.

Xatırladaq ki, Argentina – Fransa oyununun əsas vaxtı 2:2 hesabı ilə başa çatıb. Əlavə vaxtda tərəflər hərəyə daha bir dəfə fərqləniblər. Hesab 3:3 olduğundan penaltilər seriyasına ehtiyac duyulub. Burada daha dəqiq oynayan (4:2) argentinalılar 3-cü dəfə dünya çempionu olublar.