“Barselona”da hər şeyi sıfırdan başlamağa hazıram” – Feliks

Portuqaliya millisinin hücumçusu Joao Feliks “Barselona”dakı ilk günləri ilə bağlı təəssüratlarını bölüşüb.

Komanda.az “Diario Sport”-a istinadən xəbər verir ki, portuqaliyalı futbolçu komandada özünü rahat hiss etdiyini söyləyib:

“Mən özümü əmin hiss edirəm. Son vaxtlar çox oyun keçirməməyimə baxmayaraq, fiziki cəhətdən də özümü yaxşı hiss edirəm. “Barselona”da hər şeyi sıfırdan başlamağa hazıram. Çalışıb komandaya kömək etmək istəyirəm. Komanda üzvləri məni çox mehriban qarşıladı. Bu, gənc komandadır, ona görə də, özümü burada çox rahat hiss edirəm. “Barselona”da azarkeşlərimizin önündə oynamağı səbirsizliklə gözləyirəm”.

23 yaşlı hücumçu bu yay “Atletiko”dan icarə əsasında “Barselona”ya keçib.