“Fənərbaxça”dan növbəti transfer

“Fənərbaxça” heyətini yeni futbolçu ilə gücləndirib.

Komanda.az xəbər verir ki, istanbul təmsilçisi bu yay Fransanın “Strasburq” klubundan azad agent kimi ayrılmış müdafiəçi Aleksander Djikunu transfer edib.

28 yaşlı futbolçu ilə 3+1 illik müqavilə imzalanıb.

Mərkəz müdafiəçisi olan Djiku “Bastiya”nın yetirməsidir. “Kan”da da forma geyinmiş futbolçu 2019-cu ildən “Strasburq”da idi. O, Liqa 1 təmsilçisində 127 oyuna çıxıb, 4 qol və 3 məhsuldar ötürmə ilə yadda qalıb.