“Evimdə bir çox futbolçunun forması var, amma…” – Sterlinq

İngiltərənin “Mançester Siti” klubunun futbolçusu Rahim Sterlinq maraqlı açıqlama verib.

Komanda.az İngiltərə mətbuatına istinadən xəbər verir ki, 25 yaşlı futbolçu, forma kolleksiyası olduğunu bildirib:

“Mən forma kolleksiyaçısıyam. Evimdə bir çox futbolçunun forması var, amma hələ ki, onlardan heç birini divara asmamışam. İnsanların evimə gələrkən, sadəcə futbolçu olduğumu xatırlamalarını sevmirəm. Karyeramı bitirdikdən sonra formaların arasından ən yaxşılarını seçib, evimin divarından asmağı düşünürəm.

İndi sadəcə bir futbolçunun formasını istəyirəm, Lionel Messinin. “Barselona” ilə oyunda Neymarın formasını almışdım, amma əlimdə Messinin forması yoxdur”.