Etiraf etdi: Ölkə çempionatına köklənə bilmirlər

“Real”ın baş məşqçisi Karlo Ançelotti La Liqanın 32-ci turunun “Almeriya” ilə oyunundan gözləntilərini bölüşüb.

Komanda.az xəbər verir ki, italiyalı mütəxəssis mətbuat konfransında La Liqaya köklənməklə bağlı problem yaşadıqlarını etiraf edib:

“Jirona”ya qarşı pis oynadıq, ona görə də, “Almeriya”ya qarşı ən yaxşı oyunumuzu göstərmək istəyirik. Düzünü desəm, bu mövsüm La Liqada o qədər də yaxşı deyilik. İndi bu turnirdə konsentrasiyamız çatışmır. Bizim diqqətimiz daha çox İspaniya kuboku və Çempionlar Liqasına yönəlib”.

“Real” – “Almeriya” matçı aprelin 29-da keçiriləcək.