Ərəblər Kazemiroya sərvət vəd edirlər

“Mançester Yunayted”in yarımmüdafiəçisi Kazemiro “Əl-Nəsr”ə keçsə, dünyanın ən yüksək maaşlı oyunçularından birinə çevrilə bilər.

Komanda.az xarici KİV-ə istinadən xəbər verir ki, Səudiyyə Ərəbistanı klubu müqaviləni yanvarda başa çatdırmaq niyyətindədir.

“Əl-Nəsr” braziliyalı futbolçuya həftədə təxminən 650 min funt sterlinq (780 min avrodan çox) ödəməyə hazırdır. Kazemiro “Mançester Yunayted”də demək olar ki, bunun yarısı qədər – 350 min funt-sterlinq (təxminən 420 min avro) qazanır.

Məlumata görə, Kazemironun “Əl-Nəsr”ə keçidinin dəyəri 30 milyon avro civarında olacaq. “Real”ın sabiq oyunçusu Səudiyyə Ərəbistanı klubuna keçməyə açıqdır.