Emin Mahmudov: “Mən bunun tərəfdarı deyiləm”

“Neftçi”nin kapitanı Emin Mahmudov Çempionlar Liqasının 1-ci təsnifat mərhələsi çərçivəsində Gürcüstanın “Dinamo” (Tiflis) komandasına qarşı keçirəcəkləri oyundan öncə fikirlərini bölüşüb.

Komanda.az xəbər verir ki, yarımmüdafiəçi, bu gün baş tutan mətbuat konfransında öncə bunları söyləyib:

• Sabah bizi çətin oyun gözləyir. Rəqib bizdən daha hazırlıqlıdır. Çünki çempionatları davam edir. Çalışacağıq ki, topu özümüzdə saxlayaq. Maksimum əlimizdən gələni edəcəyik ki, yaxşı nəticə əldə edək.
• Penalti zərbələri üzərində çalışmısızmı?
• Penaltilər üzərində hər zaman çalışıram.
• “Dinamo” sizdən hansı komponentdə üstündür?
• Bunu deyə bilmərəm. Çünki baş məşqçimiz bunları bizə deyəcək. İlk oyundakı səhvlərimizi düzəltməyə çalışacağıq.
• Səfər qolunun ləğvi haqda nə düşünürsüz?
• Açığı, bunun tərəfdarı deyiləm. Çox şey dəyişdi. Əvvəl səfərdə bütün komandalar qol vurmağa çalışırdı, ancaq indi daha fərqlidir. İndi əksər oyunlarda penaltilər seriyası olacaq.

Şahin Cəfərov