“Dinamo”dan Mahirsiz qələbə

Futbol üzrə Xorvatiya çempionatında 28-ci turun oyunları keçirilib.

Komanda.az xəbər verir ki, Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su da növbəti matçına çıxıb.

Sözügedən kollektiv səfərdə “Slaven Belupo” ilə qarşılaşıb. Mahirin komandası oyundan 1:0 hesablı qələbə ilə ayrılıb.

Mahir bu görüşdə iştirak etməyib. 25 yaşlı forvard zədələndiyi üçün adı matçın iştirak ərizəsinə salınmayıb.

“Dinamo” 27 oyuna topladığı 57 xalla hazırda 10 kollektiv arasında 1-ci pillədə qərarlaşıb.