“Dinamo” Mahir Emrelini göndərə bilər

Azərbaycan millisinin futbolçusu Mahir Emrelinin də çıxış etdiyi Zaqreb “Dinamo”su yeni hücumçu transfer edə bilər.

Komanda.az Xorvatiya mətbuatına istinadən verir ki, klub rəhbərliyi “Koper”in hücumçusu Lamin Kolli ilə maraqlanır. “Koper”in Sloveniya çempionatında “Tabor”u məğlub etdiyi oyunu (1:0) tribunadan izləyən “Dinamo”nun skautları qələbə qolunun müəllifi olan qambiyalı hücumçunu bəyənib. Zaqreb klubu bu transfer üçün qarşı tərəfə 500 min avro təklif edib.

Amma Koperin transferi üçün “Dinamo” yüksək məbləğdə maaş alan hücumçularından birini göndərməlidir. Hazırda xorvatiyalıların forvardları Bruno Petkoviç, Komnen Andriç, Mahir Emreli, Deni Yuriç və Mislav Orşiçin maaşı yüksəkdir.

Rəhbərlik Andriçlə Yuriçi icarəyə verməyi düşünür. Ancaq onların “Dinamo”da aldığı pulu heç bir klub ödəməyə hazır deyil.

“Dinamo”ya qış fasiləsində “Legiya”dan (Polşa) keçən Mahir Emreli Xorvatiya çempionatında 2 qol vurub.

Bizi Telegramda izləyin