“Dekabrda Premyer Liqanın lideri olmaq planlarımızda yox idi” – Klopp

UEFA Çempionlar Liqasının qrup mərhələsinin son turu çərçivəsində “Zalsburq”a 2:0 hesabı ilə qalib gələn “Liverpul”un baş məşqçisi Yurgen Klopp oyundan sonra açıqlama verib.

Komanda.az klubun saytına istinadən xəbər verir ki, alman mütəxəssis, çətin qələbə qazandıqlarını bildirib:

“Rəqib xüsusilə ilk hissədə çox güclü idi, amma biz də bu mübarizəyə hazır idik. İlk hissədə hesabı aça bilərdik, amma ikinci hissədə daha intensiv oyun göstərdik, ağıllı oynadıq, əlimizə düşən imkanlardan istifadə etdik və qollar vurduq. Bəlkə də, daha çox qol vura bilərdik, bunun baş verməməsinin səbəbi isə rəqib qapıçının inamlı oyunu oldu. Ümumilikdə komandam çox yaxşı oyun göstərdi.

İstəklərimizə çatmaq üçün çox çalışmalıyıq. Növbəti mərhələyə keçmək bizim üçün çox vacib idi. Dekabrda Premyer Liqanın lideri olmaq planlarımızda yox idi, amma bu, çox xoşdur. Müəyyən məhdudiyyətlər var, futbolçularım bu cür oynamağa davam edərkən, hər şey asanlaşır”.