“Dalmatinko Cup”ın səhifəsindən “Sabah”ın ünvanına tərif

“Dalmatinko Cup”ın rəsmi “facebook” səhifəsi “Sabah”ın U-12 komandasının bu turnirdə çıxışı barədə xoş sözlər yazıb.

Komanda.az “Sabah”ın “facebook” səhifəsinə istinadən xəbər verir ki, yazıda ilk dəfə Azərbaycan təmsilçisinin bu turnidə çıxış etdiyi qeyd edilib.

Bundan əlavə, “Sabah”ın qrup mərhələsini birinci pillədə tamamlaması, Xorvatiyanın köklü klublarından olan “Hayduk”u məğlub etməsi, həmçinin yarışı məğlub olmadan tərk etməsi xüsusi vurğulanıb.

Təşkilatçılar “Sabah”ın turnirdəki çıxışını yarışın ən böyük sensasiyası kimi dəyərləndiriblər. Bundan əlavə, turnir müddətində “Sabah”ın futbolçuları, məşqçi heyətinin əsl idman ruhu nümayiş etdirməsi və nümunəvi davranışı da xüsusi qeyd edilib, bu cür komandanın turnirdə çıxış etməsi ilə fəxr etdikləri vurğulanıb.

Sonda, gələcəkdə Azərbaycandan daha çox komandanı bu turnidə görməyi arzuladıqlarını bildiriblər.