“Atletik”dən inamlı qələbə

Futbol üzrə İspaniya La Liqasında 27-ci tura yekun vurulub.

Komanda.az xəbər verir ki, ilk oyun günündə bir görüş baş tutub.

Turun açılış oyununda “Sevilya” “Alaves”in qonağı olub. Bu görüşdə qapılara qol vurulmayıb.

Şənbə günü dörd qarşılaşma baş tutub. “Osasuna” “Vilyarreal”ı, “Espanyol” “Xetafe”ni, “Valensiya” isə “Qranada”nı məğlub yola salıb.

“Real” “Santyaqo Bernabeu”da “Real Sosyedad”la münasibətlərinə aydınlıq gətirib. Hər iki komanda La Liqada son iki turu qələbəylə başa vurmuşdu. Bu görüşdə isə Madrid təmsilçisi doğma meydanda darmadağına sevinib.

Bazar günü daha dörd qarşılaşma baş tutub. “Kadis” doğma meydanda “Rayo Valyekano” üzərində inamlı qələbəyə sevinib. Yeddi qolun qeydə alındığı “Selta” – “Malyorka” matçı da meydan sahiblərinin qələbəsiylə yekunlaşıb.

5 oyundur çempionatda məğlub olmayan “Barselona” “Elçe” səfərinə yollanıb. Kataloniya təmsilçisi bu oyundan da qalib ayrılıb.

Çempionlar Liqası zonasından uzaqlaşmaq istəməyən “Atletiko” isə “Betis”lə səfər matçından sərfəli nəticə ilə dönməyi bacarıb.

Turun qapanış matçında “Atletik” doğma meydanda “Levante”yə qalib gəlib.

İspaniya La Liqası, 27-ci tur

4 mart

Alaves – Sevilya 0:0

5 mart

Osasuna – Vilyarreal 1:0
Qol: Avila, 63.

Espanyol – Xetafe 2:0
Qol: Kabrera, 17. Kabako, 27-öz qapısına.

Valensiya – Qranada 3:1
Qol: Qedeş, 48. Qomes, 51. Soler, 62 – Domenek, 56-öz qapısına.

Real – Real Sosyedad 4:1
Qol: Kamavinqa, 40. Modriç, 43. Benzema, 76. Asensio, 79 – Oyarzabal, 10-pen.

6 mart

Kadis – Rayo Valyekano 2:0
Qol: Alkaras, 55. İdrissi, 63.

Elçe – Barselona 1:2
Qol: Fidel, 44 – Torres, 60. Depay, 84-pen.

Selta – Malyorka 4:3
Qol: Qalyardo, 13. D.Suares, 25. Aspas, 61; 90+7 – Qonsales, 17. Aydo, 49-öz qapısına. Sevilya, 87-pen.

Betis – Atletiko 1:3
Qol: Tello, 45+5 – J.Feliks, 2; 61. Lemar, 80.

7 mart

Atletik – Levante 3:1
Qol: Vesqa, 63. Uilyams, 76. Zarraqa, 88 – De Frutos, 90+1.