“Mbappe ehtiyat oyunçular oturacağında olmalıdır!”

“Real” dünən UEFA Çempionlar Liqasında evdə “Milan”a 1:3 hesabı ilə uduzub.

Komanda.az xəbər verir ki, oyundan sonra fikirlərini bölüşən “RMC Sport”-un jurnalisti Daniel Riolo baş məşqçi Karlo Ançelottinin hücumçu Kilian Mbappedən səhv istifadə etdiyinə inanır:

“Real” mərkəz hücumçusuz oynayır. Uzun müddətdir sinəmə döyürdüm, aylardır təkrar edirəm: Mbappe “doqquz nömrə” deyil və heç vaxt olmayacaq. Ançelotti hamı kimi bunu bilir.

150 dəfə dediyimi təkrarlayacam: Mbappe ya hücumda solda, ya da ehtiyatda olmalıdır! İndi solda ondan üstün olan Vinisius Junior var. Ona görə də, o, ehtiyat oyunçular oturacağında olmalıdır! Başqa cür ola bilməz. Bəs, Ançelotti belə bir qərarın məsuliyyətini üzərinə götürə bilərmi?”

Mbappe “kral klubu”na bu ilin yayında keçib.