“Bu, layiqli qələbədir” – “Milan”ın baş məşqçisi

“Milan”ın baş məşqçisi Paulo Fonseka UEFA Çempionlar Liqasının ümumi mərhələsində “Real”la səfər matçını şərh edib.

Komanda.az xarici KİV-ə istinadən xəbər verir ki, italiyalı çalışdırıcı oyuna mükəmməl hazırlaşdıqlarını bildirib:

“Oyunçularım öz cəsarətləri sayəsində qalib gəldi. Onlar qorxmadan meydana çıxdılar. Biz mükəmməl hazırlaşmışdıq. Görüşün ilk yarısında mühüm üstünlük əldə etdik. Fasilədən sonra daha çətin olsa da, komandam bacardı. Bu, layiqli qələbədir”.

“Milan” səfərdə 3:1 hesabı ilə qələbə qazanıb. Komanda bu qələbədən sonra 6 xalla liqa mərhələsinin turnir cədvəlində 18-ci pillədə qərarlaşıb.