“Biz çox finallarda oynaya və çoxlu kuboklar qazana bilərik” – “İnter”in prezidenti

“İnter”in prezidenti Stiven Çanq İtaliya kubokunun “Fiorentina” ilə keçirilən final oyununu (2:1) şərh edib.

Komanda.az “Football Italia”-ya istinadən xəbər verir ki, o, klubda çalışan hər kəslə fəxr etdiyini bildirib:

“Oyunçular və bütün klubla fəxr etdiyimi hansı sözlərlə ifadə edə bilərəm? Hazırda burada olan hər kəsdə qalibiyyət düşüncəsi var. Buna görə də, biz bir çox finallarda oynaya və çoxlu kuboklar qazana bilərik. Çempionluq əziyyətimizin mükafatlandırıldığını bir daha təsdiqləyir”.

Ölkə kuboku “neradzurra”nın cari mövsümdə qazandığı ikinci kubokdur. “İnter” 2022-ci ildə İtaliya superkubokunun finalında “Milan”ı məğlub etmişdi – 3:0.