Çempionlar Liqası oyunundan əvvəl spirtli içki qadağası

Çempionlar Liqasının qrup mərhələsinin 3-cü turunda Hollandiyanın “Ayaks” klubu “Çelsi”ni qəbul edəcək.

Komanda.az xarici mətbuata istinadən xəbər verir ki, sabah keçiriləcək qarşılaşmadan 6 saat əvvəl Amsterdam şəhərinin mərkəzi yerlərində və stadiona yaxın ərazilərdə spirtli içkilərin satışı qadağan olunacaq. Bunun səbəbi holland və ingilis azarkeşlər arasında ola biləcək iğtişaşların qarşısını almaqdır.

“Ayaks” – “Çelsi” matçı sabah, saat 20:55-də start götürəcək.