Premyer Liqa klubu Martines üçün təklif hazırlayır

“Çelsi” “İnter”in hücumçusu Lautaro Martineslə maraqlanır.

Komanda.az xarici KİV-ə istinadən xəbər verir ki, İngiltərə klubu yay transfer pəncərəsində Martinesin transferi üçün təkliflə çıxış etməyə və müqaviləyə “İnter”də icarə əsasında çıxış edən hücumçu Romelu Lukakunu da daxil etməyə hazırdır.

Martineslə “Çelsi”dən başqa, “Mançester Yunayted”, “Nyukasl” və “Tottenhem” də maraqlanır.

Martines 2018-ci ildən “İnter”də çıxış edir. Argentinalı hücumçu bu mövsüm A Seriyasında 11 oyuna çıxıb, 6 qol vurub və 2 məhsuldar ötürmə edib.