Canni De Byazi daha 2 klubun məşqini izlədi

Futbol üzrə Azərbaycan milli komandasının baş məşqçisi Canni De Byazi və köməkçiləri bu gün Bakı Olimpiya Stadionunda olub.

Komanda.az AFFA-nın rəsmi saytına istinadən xəbər verir ki, onlar “Zirə” və “Keşlə” komandalarının məşq prosesini izləyiblər.

Qeyd edək ki, italiyalı mütəxəssis daha əvvəl “Qarabağ”, “Neftçi” və “Sabah” komandalarının məşqinə də baxıb.