“Bütün kuboklar üçün mübarizə aparacağıq” – Pedri

İspaniyalı yarımmüdafiəçi Pedri “Barselona”nın Çempionlar Liqasında uğur qazanmaq istədiyini bildirib.

Komanda.az “La Vanguardia”-ya istinadən xəbər verir ki, İspaniya millisinin üzvü mövsümöncəsi hazırlıq turunu dəyərləndirib, yoldaşlıq oyununda “Real”ı məğlub etdiklərini (3:0) xatırladıb:

“Bundan əvvəl “Arsenal”a uduzduğumuz üçün qələbə qazanmaq vacib idi. Mövsümöncəsi olsa belə, “el klasiko”, “el klasiko”dur. Nəticə çıxarmaq hələ tezdir, amma mövsüm başlamazdan əvvəl belə xoş hisslər yaşamaq vacibdir. Bütün kuboklar üçün mübarizə aparacağıq. Keçən il La Liqanı və superkuboku qazana bildik, amma Çempionlar Liqası bizi yaralı buraxdı. Ona görə də, Çempionlar Liqasında uğurlu olmaq bizim əsas məqsədimizdir”.