Xavidən “el klasiko”da kobud səhv edən futbolçuya dəstək

“Barselona”nın baş məşqçisi Xavi “Vilyarreal”la matçdan əvvəl mətbuat konfransında yarımmüdafiəçi Serxio Busketsin oyununu şərh edib.

Komanda.az “Mundo Deportivo”-ya istinadən xəbər verir ki, o, Busketsin komanda üçün vacib olduğunu deyib:

“Real”la oyunda Busketsin uğursuzluğu? Uduzanda hamı uğursuz olur. Buskets hələ də komanda üçün vacib və əsas oyunçudur, o, daim inkişaf edir.

Bizdə paltardəyişmə otağında çox gözəl ab-hava var. Bu, mənə pozitiv qalmağa kömək edir”.

Buskets bu mövsüm La Liqa və Çempionlar Liqasında 10 oyun keçirib və qol vurmayıb. O, “Real”a 1:3 hesabı ilə uduzduqları matçda rəqibin qol vurmasına səbəb olan kobud səhvlə yadda qalmışdı.

Bizi Telegramda izləyin