“O, indiyədək gördüyüm ən yaxşı bir neçə futbolçudan biridir” – Qvardiola

İngiltərə Premyer Liqasının 3-cü turu çərçivəsində səfərdə “Bornmut”a 3:1 hesabı ilə qalib gələn “Mançester Siti”nin baş məşqçisi Pep Qvardiola matçdan sonra açıqlama verib.

Komanda.az klubun rəsmi saytına istinadən xəbər verir ki, David Silvanın oyununu dəyərləndirən ispan mütəxəssis, matçla bağlı bunları deyib:

“Çətin oyun alındı, belə olacağını bilirdik. Hazırda 7 xalımız var. İndi 9 xalımız olmalı idi, amma problem deyil. Bu mövsüm mübarizə daha çətin olacaq. Ardıcıl qazandığımız çempionluqlardan sonra işimiz çətinləşib.

Silva bu gün inanılmaz dərəcədə yaxşı oynadı. Bu qədər sıx müdafiə olunan komandalarla oyunda David çox yaxşı çıxış edir. O, indiyədək gördüyüm ən yaxşı bir neçə futbolçudan biridir”.