“Bu, məğlubiyyəti qəbul etməyi daha da çətinləşdirir” – Noyer

“Bayern”in qapıçısı Manuel Noyer komandanın Çempionlar Liqası ilə vidalaşması haqda açıqlama verib.

Komanda.az Münhen klubunun mətbuat xidmətinə istinadən xəbər verir ki, Noyer, ÇL-in yarımfinalına çıxmaq üçün əllərindən gələni etdiklərini deyib:

“Stadiondakı hər kəs “Bayern”i yarımfinala çıxarmaq üçün əlindən gələni etdi, o cümlədən tribunalardakı azarkeşlər. Bu, məğlubiyyəti qəbul etməyi daha da çətinləşdirir”.

Çempionlar Liqasının 1/4 final mərhələsinin cavab oyununda “Vilyarreal”la heç-heçə edən (1:1) “Bayern” İspaniya klubuna ümumi hesabda 1:2 hesabı ilə uduzub.

“Vilyarreal” Çempionlar Liqasının yarımfinalında “Liverpul” – “Benfika” cütünün qalibi ilə qarşılaşacaq.