“Bu kuboku qazanana qədər “Lion”a sahiblik etmək istəyirəm”

Çempionlar Liqasının 1/8 final mərhələsində “Barselona” ilə qarşılaşacaq “Lion”un prezidenti Jan-Mişel Aulas açıqlama verib.

Komanda.az Fransa mətbuatına istinadən xəbər verir ki, klub sahibi, növbəti 5 il içində Çempionlar Liqasının qalibi ola biləcəklərini deyib:

“Çempionlar Liqasını növbəti 5 il ərzində qazanacağımıza inanıram. Bu kuboku qazanana qədər “Lion”a sahiblik etmək istəyirəm. Təqaüdə çıxmaq üçün 75 yaş idealdır. İnanıram ki, həmin vaxta qədər həm kişi, həm də qadın futbol komandalarımız Çempionlar Liqasının qalibi olarlar”.