“Barselona”da oynamaq asandır” – Feliks

“Barselona”nın hücumçusu Joao Feliks İspaniya La Liqasının son turunda “Betis” üzərində qələbədən (5:0) sonra təəssüratlarını bölüşüb.

Komanda.az AS nəşrinə istinadən xəbər verir ki, 23 yaşlı futbolçu 25-ci dəqiqədə debüt qolunu vurub və əsas heyətə qayıtdığı üçün çox sevincli olduğunu bildirib:

“Bir müddət sonra əsas heyətə qayıtdığım üçün çox şadam. “Barselona”da oynamaq asandır. Hər kəs çox yaxşı idi. Sistem yerində olanda top sürətlə hərəkət edir və qollar vurulur”.

Feliks sentyabrın 1-də “Atletiko”dan icarə əsasında “Barselona”ya keçib. Klublar arasındakı müqavilə 2024-cü il iyununa qədər nəzərdə tutulub.