“Bu haqda istədiyiniz qədər mübahisələr edin” – Messi

“İnter Mayami”nin hücumçusu Lionel Messi ABŞ-da futbolun durumundan söz açıb.

Komanda.az ESPN-ə istinadən xəbər verir ki, o, matçların çətin və rəqabətli keçdiyini deyib:

“Məncə, son bir il ərzində burada futbolun səviyyəsi olduqca çox artıb. Bunu milli komandanın son nəticələrindən də görmək mümkündür. Onlar DÇ-2022-də yaxşı heyətə sahib idilər. MLS çox rəqabətli çempionatdır. ABŞ futbolu Meksika futbolu ilə eyni səviyyəyə çatmağa yaxındır.

Burada bütün matçlar çətin, rəqabətli keçir. Bu haqda istədiyiniz qədər mübahisələr edin. Hər klub qələbə qazanmaq istəyir. Açığı, MLS-də favorit yoxdur. Yenə deyirəm: hər bir kollektiv qalib gələ, çempion ola bilər. Səfər matçlarında qələbə qazanmaq daha çətindir”.

Messi yay transfer pəncərəsində azad agent kimi Mayami təmsilçisinə keçib. Argentinalının klubla müqaviləsi 2025-ci ilin dekabrına qədərdir.