“Bu, həm klub, həm də mənim üçün inanılmaz uğur olar” – Aquero

İngiltərənin “Mançester Siti” klubunun hücumçusu Serxio Aquero açıqlama verib.

Komanda.az xəbər verir ki, “El Chiringuito”ya danışan 31 yaşlı futbolçu, gələcək karyerası ilə bağlı bunları deyib:

“Gələcək karyeram haqqında düşünmürəm. Mövcud vəziyyət gələcəklə bağlı nələrisə planlaşdırmağı çətinləşdirir. Müqaviləmin başa çatmaq üzrə olduğunu bilirəm. Yəqin ki, bundan sonra bir neçə təklif alacam. İspaniyaya qayıtmağı və ya başqa bir ölkəyə getməyi istisna etmirəm. İndiyədək “Mançester Siti”də özümü çox yaxşı və rahat hiss etmişəm. Bundan sonra da klubda əlimdən gələni ən yaxşı şəkildə etmək istəyirəm. “Mançester Siti” ilə Çempionlar Liqasını qazanmaq istəyirəm. Bu, həm klub, həm də mənim üçün inanılmaz uğur olar”.

Aqueronun MS ilə müqaviləsi 2021-ci ilin iyununda başa çatır.