“Barselona” darmadağın oldu, “Çelsi” “Yuventus”a uduzdu

UEFA Çempionlar Liqasında qrup mərhələsinin 2-ci turuna yekun vurulub.

Komanda.az xəbər verir ki, ilk oyun günündə A, B, C və D qrupunun qarşılaşmaları keçirilib.

A qrupunda Fransanın PSJ komandası İngiltərə “Mançester Siti”si ilə qarşılaşıb. Paris təmsilçisinin heyətində zədəsini sağaldan Lionel Messi də sözügedən oyunda iştirak edib. Argentinalı futbolçunun da qol vurduğu oyunda parislilər inamlı qələbəyə seviniblər. Qrupun digər matçında “Leyptsiq” evdə “Brügge”yə uduzub.

Turun daha bir maraqlı qarşılaşması B qrupu çərçivəsində olub. İtaliyanın “Milan” komandası “San Siro”da İspaniya “Atletiko”sunu qəbul edib. Madrid təmsilçisi səfərdə əzmkar qələbəyə sevinib. Qrupun digər oyununda “Liverpul” Portuqaliya səfərində “Portu”nu darmadağın edib

Türkiyənin turnirdəki yeganə təmsilçisi “Beşiktaş” C qrupu çərçivəsində səfərdə “Ayaks”la üz-üzə gəlib və məğlub olub. Qrupun digər oyununda Dortmund “Borussiya”sı Portuqaliyanın “Sportinq” komandasını minimal hesabla üstələyib.

2-ci turun qalan oyunları bu gün keçirilib. Günün ilk görüşləri F və H qruplarında olub. “Yanq Boyz” İtaliyada “Atalanta”ya minimal hesabla uduzub. “Malmö” isə Rusiyada “Zenit”lə üz-üzə gəlib və darmadağına üzülüb. F qrupunun digər oyununda “Mançester Yunayted” “Vilyarreal”la qarşılaşıb və əzmkar qələbəyə sevinib.

Gecənin ən diqqətçəkən qarşılaşması İtaliyada “Yuventus”la turnirin son qalibi olan “Çelsi” arasında baş tutub. “Zadəganlar” səfərdə minimal hesabla uduzublar.

E qrupunda “Barselona” Portuqaliyada “Benfika”nı, “Bayern” isə Kiyev “Dinamo”sunu sınağa çəkib. Münhen təmsilçisi darmadağına sevinən, Kataloniya təmsilçisi isə üzülən tərəf olub.

Çempionlar Liqası, qrup mərhələsi, 2-ci tur

28 sentyabr

C qrupu

Ayaks (Niderland) – Beşiktaş (Türkiyə) 2:0
Qol: Berqeys, 17. Haller, 43.

Borussiya (Dortmund, Almaniya) – Sportinq (Portuqaliya) 1:0
Qol: Malen, 37.

D qrupu

Şaxtyor (Donetsk, Ukrayna) – İnter (İtaliya) 0:0

Real (İspaniya) – Şerif (Moldova) 1:2
Qol: Benzema, 65-pen – Yaxşıbayev, 25. Till, 90.

A qrupu

PSJ (Fransa) – Mançester Siti (İngiltərə) 2:0
Qol: Qeye, 8. Messi, 74.

Leyptsiq (Almaniya) – Brügge (Belçika) 1:2
Qol: Nkunku, 5 – Vanaken, 22. Rits, 41.

B qrupu

Portu (Portuqaliya) – Liverpul (İngiltərə) 1:5
Qol: Taremi, 75 – Salah, 18; 60. Mane, 45. Firmino, 77; 83.

Milan (İtaliya) – Atletiko (İspaniya) 1:2
Qol: Leao, 20 – Qrizmann, 84. L.Suares, 90+4-pen.

29 sentyabr

H qrupu

Zenit (Rusiya) – Malmö (İsveç) 4:0
Qol: Klaudinyo, 9. Kuzyayev, 49. Sutormin, 80. Vendel, 90+4.

Yuventus (İtaliya) – Çelsi (İngiltərə) 1:0
Qol: Kyeza, 46.

F qrupu

Atalanta (İtaliya) – Yanq Boyz (İsveçrə) 1:0
Qol: Pessina, 68.

Mançester Yunayted (İngiltərə) – Vilyarreal (İspaniya) 2:1
Qol: Telles, 60. Ronaldo, 90+5 – Alkaser, 53.

E qrupu

Benfika (Portuqaliya) – Barselona (İspaniya) 3:0
Qol: D.Nunes, 3; 79-pen. R.Silva, 69.

Bayern (Almaniya) – Dinamo (Kiyev, Ukrayna) 5:0
Qol: Levandovski, 12; 27. Qnabri, 68. Sane, 74. Şupo-Motinq, 87.

G qrupu

Volfsburq (Almaniya) – Sevilya (İspaniya) 1:1
Qol: Şteffen, 49 – Rakitiç, 86-pen.

Zalsburq (Avstriya) – Lill (Fransa) 2:1
Qol: Adeyemi, 35-pen; 53-pen – B.Yılmaz, 62.

Bombardir: Sebastyan Haller (“Ayaks”) – 5 qol.