ÇL: “Bu, bizim üçün bir fürsətdir” – Ançelotti

“Real”ın baş məşqçisi Karlo Ançelotti Çempionlar Liqasının qrup mərhələsinin 3-cü turunda “Braqa” ilə qarşıdakı oyun haqda danışıb.

Komanda.az “Real”ın rəsmi saytına istinadən xəbər verir ki, italiyalı baş məşqçi bu oyunun qrup mərhələsini inamla keçmək üçün əla fürsət olduğunu söyləyib:

“Bu, bizim üçün bir fürsətdir, çünki iki qələbədən sonra yenidən qalib gəlmək yaxşı olardı. Biz yaxşı oynayan, hücum etməyi və vəziyyətə nəzarət etməyi sevən komandaya qarşıyıq. Müdafiə olunmaq bizim üçün vacibdir, çünki orada bizdə olan fərdi keyfiyyətlərdən yararlana bilərik. Oyuna qorxmadan başlamaq müsbət haldır, amma çox yaxşı hücum edən və son matçlarda çoxlu qol vuran rəqiblərimizə hörmət etməliyik. “Braqa”ya böyük hörmətim var, lakin bu, qrup mərhələsini inamla keçmək üçün əla fürsətdir”.

“Real” iki turdan sonra C qrupunda 6 xalla birinci yerdədir.