Gözləyin və nə olacağını görün – Noyer

“Bavariya”nın qapıçısı Manuel Noyer Bundesliqadakı çempionluq yarışı haqqında açıqlama verib.

Komanda.az Almaniya mətbuatına istinadən xəbər verir ki, 32 yaşlı qapıçı çempionluq yarışında “Borussiya”ya (Dortmund) çatacaqlarını deyib:

“Borussiya” sizin düşündüyünüz qədər inanılmaz komanda deyil. Onlar məğlubedilməz də deyillər. Düşünürəm ki, mövsümün ilk hissəsində zəif cəhətlərimizi gördük. Onlar bu müddətdə çox xal itirmədilər. “Borussiya” yaxşı komandadır, amma bizim də pis tərəflərimiz yoxdur. Sadəcə, gözləyin və nə olacağını görün”.

18 turdan sonra 39 xalla turnir cədvəlinin ikinci pilləsində qərarlaşan “Bavariya”, lider “Borussiya”dan 6 xal geri qalır.