Meyvezer aktyorla rinqə çıxdı və…

Boks üzrə beş ağırlıq çəkisində keçmiş dünya çempionu Floyd Meyvezer yenidən rinqə qayıdıb.

Komanda.az xəbər verir ki, 44 yaşlı idmançı xüsusi təşkil olunmuş döyüşdə Pol Loqanla qarşılaşıb. Mayamidəki “Hard Rock” stadionunun rinqində keçirilən döyüş 8 raund davam edib və qalib müəyyənləşməyib.

Meyvezerə uduzmayan Pol Loqan boksçu, videobloqer, şoumen və aktyordur.

Meyvezer sonuncu dəfə 2018-ci ildə yaponiyalı Tensin Nasukava ilə döyüşmüş və ilk raundda nokautla qələbə qazanmışdı. Floyd karyerası ərzində çıxdığı 50 döyüşü qazanıb.