“Bizi üzən oyun yox, nəticədir” – Ançelotti

“Real”ın baş məşqçisi Karlo Ançelotti İspaniya çempionatının 12-ci turunun matçında “Rayo Valyekano” ilə heç-heçəni (0:0) şərh edib.

Komanda.az klubun mətbuat xidmətinə istinadən xəbər verir ki, 64 yaşlı mütəxəssis qələbəyə layiq olduqlarını bildirib:

“Bizi üzən oyun yox, nəticədir. Bəzən qalib gəlməyə layiq olmadığın matçlarda qalib gəlirsən, bəzən də qalib gəlməyə layiq olduğun oyunlarda qalib gəlmirsən. Qələbə qazanmağa layiq olduğumuz oyun idi. Nəticəni qiymətləndirsək, bu, oyanış zəngidir. Mən nəticəyə əsasən matçı mühakimə edə bilmərəm. Qalib gələndə sevinə, heç-heçə edəndə və ya uduzanda kədərlənə bilmirəm. Qələbə qazananda, komanda zəif oynayırsa, üzülməli, bəzən məğlub olanda sevinməliyəm. Komanda üzünü göstərdi və bu, mənə bəs etdi”.

“Kral klubu” 29 xalla La Liqanın turnir cədvəlində ikinci yerdədir.