“Biz qələbəyə layiq idik” – Xavi

“Barselona”nın baş məşqçisi Xavi İspaniya La Liqasının 28-ci turunun “Jirona” ilə oyunundan sonra (0:0) açıqlama verib.

Komanda.az DAZN-a istinadən xəbər verir ki, ispaniyalı mütəxəssis qələbəyə layiq olduqlarını bildirib:

“Qələbə qazanmaq istəyirdik. Yaxşı oyun keçirdik. Çoxlu qol imkanlarımız oldu. Çatışmayan yeganə şey son toxunuş idi. Məncə, biz qələbəyə layiq idik.

Fasiləyə qədər bir qol vura bilsəydik, hər şey başqa cür ola bilərdi. Bəzən bu cür rəqiblərlə də qarşılaşmalı olursan. Çempionatın sona çatmasına 10 tur qalmış ikinci yerdə olan rəqibimizi 13 xal qabaqlayırıq”.

Kataloniyalılar hazırda İspaniya çempionatının turnir cədvəlində 72 xalla 1-ci, “Jirona” isə 35 xalla 11-ci pillədə qərarlaşıb.