“Bilirdik ki, rəqib çox təzyiq göstərəcək” – Xavi

“Barselona”nın baş məşqçisi Xavi İspaniya çempionatının 11-ci turunda “Atletik”lə oyunda (4:0) əldə etdikləri qələbədən danışıb.

Komanda.az “Marca”-ya istinadən xəbər verir ki, o, oyunun gərgin keçdiyini deyib:

“Biz yüksək ritmli, çox gərgin oyun olacağını gözləyirdik. Bilirdik ki, rəqib bizə çox təzyiq göstərəcək. Lakin biz üstünlük əldə edə bildik. Osman Dembele yaxşı oyun göstərdi. Komanda yoldaşları onu yaxşı başa düşürdü”.

Bu qələbədən sonra “Barselona” 28 xal toplayıb və turnir cədvəlinin ikinci pilləsində qərarlaşıb. 18 xalı olan “Atletik” altıncı pillədədir.