Premyer Liqa 2-ci, Qurban Qurbanov 6-cı oldu

Beynəlxalq İdman Araşdırmalar Mərkəzi (CIES) dünyanın 79 ölkəsinin 110 liqasındakı komandalarda çalışan baş məşqçiləri araşdırıb.

Komanda.az xəbər verir ki, araşdırma məşqçilərin yaşları, komandalarda işləmə müddətləri, yerli və ya xarici olması istiqamətlərində aparılıb.

CIES-in araşdırmasına əsasən, məşqçilərin yaşı baxımından Azərbaycan Premyer Liqası 2-ci sıradadır. Premyer Liqanın 8 klubunu çalışdıran baş məşqçilərin ortalama yaşı 42,20-dir.

Premyer Liqanın son çempionu “Qarabağ”ın baş məşqçisi Qurban Qurbanov da dünya üzərində bir komandada ən uzun müddət çalışan baş məşqçilər arasında 6-cı sıradadır. Qurbanov 4353 gündür ki, “Qarabağ”ı çalışdırır.