“Beqoviçin qalması çətin görünür” – Qurban Qurbanov

Azərbaycan kubokunun 1/4 final mərhələsi çərçivəsində “Keşlə”yə 1:0 hesabıyla qalib gələn “Qarabağ”ın baş məşqçisi Qurban Qurbanov oyundan sonra mətbuat konfransı keçirib.

Komanda.az xəbər verir ki, Ağdam klubunun çalışdırıcısı öncə bunları deyib:

• Yaxşı oyun oldu. Futbolçular son dəqiqələrə qədər mübarizə apardılar. Xeyli epizodlarımız oldu, amma istifadə edə bilmədik. Hər şey cavab oyununda bəlli olacaq.
• Qış fasiləsində komandadan ayrılanlar, gələnlər olacaq?
• Axtarışlar gedir. Hal-hazırda kiminsə gedişi gözlənilmir.
• Asmir Beqoviçin məsələsi ilə bağlı hansısa dəyişiklik var? Özü qalmaq istəyir?
• Qalması çətin görünür. Rəhbərliklə görüşümüz olacaq. “Bornmut” rəhbərliyi ilə yaxşı münasibətlər var. Beqoviç də qalmaq istəyir.
• Millinin baş məşqçi postu boşdu, təklif olarsa, münasibətiniz necə olar?
• Bu sual elə burda da qalsın. Əsas “Qarabağ”a köklənək.

Aygül Qarayeva