“Belə düşünürsənsə, deməli, kiçik klubsan” – Qvardiola

“Mançester Siti”nin baş məşqçisi Pep Qvardiola məşqçilik karyerasında rəqib kluba futbolçu satmaq istəmədiyi vəziyyətlərin olub-olmaması ilə bağlı sualı cavablandırıb.

Komanda.az xarici KİV-ə istinadən xəbər verir ki, o, belə vəziyyətlərin heç vaxt olmadığını söyləyib:

“Heç vaxt. Məncə, belə düşünürsənsə, deməli, kiçik klubsan. Böyük klublar baş verənlərdən qorxmayacaqlar. Oyunçu “Çelsi”, “Mançester Yunayted” və ya “Liverpul”a getmək istəyirsə, onda problem nədir?”

Bu gün İngiltərə Premyer Liqasının 12-ci turunun matçında “Mançester Siti” “Çelsi” ilə qarşılaşacaq.