“Bayer”in bombardiri “Qarabağ”la matçları buraxa bilər

“Bayer”in nigeriyalı hücumçusu Viktor Bonifas Avropa Liqasının 1/8 final mərhələsində “Qarabağ”a qarşı keçiriləcək oyunlara qədər tam sağala bilməyəcək.

Komanda.az “Bild”-ə istinadən xəbər verir ki, yanvarın əvvəlində, Afrika Millətlər Kubokunun oyunları zamanı Nigeriya millisinin heyətində zədə alan hücumçunun aprel ayına kimi meydanlara qayıtması gözlənilmir.

Amma ötən ay sıradan çıxan argentinalı yarımmüdafiəçi Ezekiel Palasios “Qarabağ”la matça qədər tam sağalacaq. O, artıq məşqlərə başlayıb.

“Bayer”in bu mövsüm 16 qolla bombardiri olan Bonifas Avropa Liqasının qrup mərhələsində “Qarabağ”la hər iki görüşdə (5:1, 1:0) qol vurmuşdu.