“Barselona”nın yeni transfer siyahısı

İspaniyanın “Barselona” klubu gələn yay transfer pəncərəsi üçün planlar qurmağa başlayıb.

Komanda.az “Mundo Deportivo”-ya istinadən xəbər verir ki, Kataloniya klubu böyük məbləğlər xərcləyə bilməyəcəyini başa düşür və bütün diqqətini azad agent olan futbolçuların transferinə yönəltmək qərarına gəlib.

Marko Asensio (Real), Nqolo Kante və Jorjinyo (Çelsi), İniqo Martinez (Atletik), Milan Skriniar (İnter) və o cümlədən, müqaviləsi başa çatacaq səkkiz oyunçudan ibarət siyahı hazırlanıb.

Siyahıda PSJ-nin hücumçusu Lionel Messi də var. 35 yaşlı argentinalının geri qaytarılması “Barsa” rəhbərliyinin əsas hədəflərindən biridir.

Bizi Telegramda izləyin