“Barselona”nın Haland planı

“Barselona” Norveç millisinin və “Mançester Siti”nin hücumçusu Erlinq Halandın transferində maraqlıdır.

Komanda.az “sport.es”-ə istinadən xəbər verir ki, Kataloniya klubunun rəhbəri Xuan Laporta yüksək səviyyəli anlaşmaya nail olmaq niyyətindədir.

Laportanın prioritet variantı norveçli hücumçunu transfer etməkdir. Klub rəhbəri yaxın iki il ərzində Halandın keçidini həyata keçirmək istəyir.

Haland 2022-ci ildən “Mançester Siti”də çıxış edir. Tərəflər arasındakı müqavilə 2027-ci ildə başa çatacaq. Onun bazar dəyəri 200 milyon avro olaraq qiymətləndirilir.

24 yaşlı forvard bu mövsüm 10 oyun keçirib, 11 qol vurub.