“Real”la oyun bizim üçün dönüş nöqtəsi ola bilər” – Xavi

“Barselona”nın baş məşqçisi Xavi İspaniya superkubokunda “Real”a qarşı keçirəcəkləri oyundan əvvəl fikirlərini bildirib.

Komanda.az xəbər verir ki, Xavi, matçla bağlı bunları söyləyib:

“Bu, bizim üçün bir fürsət, finala vəsiqə və titul qazanmaq şansıdır. Bu oyun bizim üçün dönüş nöqtəsi ola bilər. Özümüzü sübut etmək istəyirik.

“Real” hazırda çox yaxşı vəziyyətdədir. Turnir cədvəlinə görə, İspaniyanın ən yaxşı komandasıdır. Biz də öz gücümüzdən istifadə edəcəyik və qazanmaq üçün döyüşəcəyik. “Real”a problem yarada bilərik. Sona qədər mübarizə aparacağıq”.

Bu gün keçiriləcək “Barselona” – “Real” matçı saat 23:00-da başlayacaq.