“Barselona”da itki – “Napoli” ilə matçda olmayacaq

İspaniyanın “Barselona” komandası ciddi itki ilə üzləşib.

Komanda.az xəbər verir ki, Kataloniya təmsilçisinin müdafiəçisi Ronald Arauxo zədələnib. La Liqanın 24-cü turunun “Espanyol”la oyununda (2:2) zədələnərək fasilədə Erik Qarsiya ilə əvəzlənən uruqvaylı futbolçunun durumu ciddidir.

“Barselona”nın mətbuat xidmətinin yaydığı məlumatda, 22 yaşlı mərkəz müdafiəçisinin əzələsində zədə aşkarlandığı bildirilib. O, fevralın 17-də, Avropa Liqasının pley-off mərhələsinin “Napoli” ilə keçiriləcək matçında iştirak etməyəcək.