“Barselona”da ciddi itki

“Barselona”nın heyətində ciddi itki baş verib.

Komanda.az xəbər verir ki, Kataloniya təmsilçisinin yarımmüdafiəçisi Pedri sıradan çıxıb. Bu barədə klubun mətbuat xidməti məlumat yayıb.

Məşq zamanı ispaniyalı futbolçu ayaq əzələsindən zədə alıb. Artıq onun müalicəsinə başlanılıb. 21 yaşlı futbolçunun yaşıl meydanlara qayıdışı müalicə prosesindən asılı olacaq.

Pedri cari mövsümdə meydana çıxdığı 11 rəsmi matçda 1 qol və 1 məhsuldar ötürmə ilə yadda qalıb.