“Barselona” və “Real” gürcü müdafiəçi uğrunda mübarizə aparacaq

Tbilisi “Dinamo”sunun müdafiəçisi Saba Xarebaşvili “Barselona” və “Real”ın transfer hədəfinə çevrilib. 16 yaşlı gürcü futbolçu perspektivli sol cinah müdafiəçilərindən biri hesab olunur.

Komanda.az AS-a istinadən xəbər verir ki, Gürcüstanın “Dinamo” klubu artıq bir neçə ildir ki, İspaniya ilə əlaqələrini gücləndirmək üçün mühüm addımlar atır, La Liqa komandaları ilə tərəfdaşlıq əlaqələri qurur və hətta Barselonada ofis açır. Bu addım klubun yetirmələrinə Avropaya köçmək üçün daha çox imkanlar əldə etməyə kömək edəcək, həmçinin, ölkə daxilində yerli istedadları inkişaf etdirəcək.

Xarebaşvili 15 yaşında “Dinamo”nun əsas komandasında debüt edib. O, bu mövsüm bütün turnirlərdə 27 oyun keçirib və 2 məhsuldar ötürmə verib. “Transfermarkt” portalı onun bazar dəyərini 300 min avro olaraq qiymətləndirir.