“Barselona”dan çətin səfər qələbəsi

Futbol üzrə İspaniya La Liqasında 33-cü tura yekun vurulub.

Komanda.az xəbər verir ki, ilk oyun günündə üç qarşılaşma baş tutub. “Betis” doğma meydanda “Elçe”yə minimal hesabla məğlub olub. “Malyorka” evdə “Alaves”i, “Villarreal” isə “Valensiya”nı üstələyib.

Son turda “Sevilya” üzərində əzmkar qələbə qazanan (3:2) lider “Real” bu dəfə səfərdə “Osasuna” ilə qarşılaşıb və inamlı qələbəyə sevinib. Madridin digər təmsilçisi “Atletiko” isə “Qranada” ilə ev oyununda xal itkisi ilə üzləşib.

Sonuncu oyun günündə dörd görüş baş tutub. “Levante” – “Sevilya” və “Kadis” – “Atletik” matçlarında 5 qol qeydə alınıb və qonaqlar oxşar hesabla qalib gəliblər.

“Real”ın yaxın izləyicilərindən olan “Barselona” çətin səfərə yollanıb. Xavinin komandası “Real Sosyedad”la qarşılaşmada minimal hesabla üstün olub. Barselonanın digər təmsilçisi “Espanyol” isə doğma meydanda “Rayo Valyekano”ya minimal hesabla uduzub.

İspaniya La Liqası, 33-cü tur

19 aprel

Malyorka – Alaves 2:1
Qol: Prats, 11. Muriqi, 45+4 – Raillo, 73-öz qapısına.

Betis – Elçe 0:1
Qol: Morente, 82.

Villarreal – Valensiya 2:0
Qol: Danjuma, 10-pen; 17.

20 aprel

Atletiko – Qranada 0:0

Selta – Xetafe 0:2
Qol: Mayoral, 23; 51.

Osasuna – Real 1:3
Qol: Budimir, 13 – Alaba, 12. Asensio, 45. Lukas, 90+6.

21 aprel

Levante – Sevilya 2:3
Qol: Morales, 22. Soldado, 87 – Korona, 14; 27. Kunde, 81.

Espanyol – Rayo Valyekano 0:1
Qol: Qvardiola, 42.

Kadis – Atletik 2:3
Qol: L.Peres, 56. Sobrino, 87 – R.Qarsiya, 3. Muniain, 22. Vesqa, 33.

Real Sosyedad – Barselona 0:1
Qol: Obameyanq, 11.