“Barselona” Levandovskiyə 500 milyon avro qiymət qoydu

“Barselona” rəsmi saytında “Bayern”lə polşalı hücumçu Robert Levandovskinin transferi ilə bağlı razılığa gəldiyini açıqlayıb.

Komanda.az İspaniya mətbuatına istinadən xəbər verir ki, 33 yaşlı polşalı forvardla 4 mövsümlük müqavilə imzalanacaq. Razılaşmaya 500 milyon avroluq sərbəst buraxılma maddəsi daxildir.

“Barselona” və “Bayern” Levandovskinin transferi üçün ümumilikdə 45 milyon avro+5 milyon avro bonuslar qarşılığında razılığa gəlib.

Levandovski “Bayern”də 8 mövsüm keçirib, 375 matçda 344 qol vurub və 72 məhsuldar ötürmə edib.

Bizi Telegramda izləyin