Messi Xaviyə çatdı

“Barselona” İspaniya La Liqasının 28-ci turunda “Hueska”nı məğlub edib – 4:1.

Komanda.az “Opta”ya istinadən xəbər verir ki, sözügedən qarşılaşmada iki qol vuran Lionel Messi yeni uğura imza atıb. Belə ki, “Hueska” ilə matç Messinin “Barselona”dakı 767-ci oyunu olub. Argentinalı hücumçu bu göstəricidə rekordçu olan keçmiş yarımmüdafiəçi Xaviyə çatıb. Hər iki futbolçu “Barselona”da 767 oyun keçirib.

Messi 2004-cü ildən “Barselona”da çıxış edir.